Қазақстанда соңғы күндері қант бағасы қалай өзгерді. LS тiлшiсiнiң материалында.
Ұлттық статистика бюросының мәліметі бойынша, құмшекер наурыз айында 34,3%-ға қымбаттаған.
Өңірлер бойынша бағаның ең жоғары өсу Алматыда – 59,5%-ға тіркелді. Жамбыл облысында қант 45,9%-ға, Қостанай облысында – 41,9%-ға, Нұр-Сұлтанда – 40,5%-ға, БҚО-да – 36,5%-ға, ШҚО-да –31,8%-ға, Қызылорда облысында – 31%-ға және Павлодар облысында – 30%-ға қымбаттады.
Наурыз айында қант Атырау облысында – 16,4%-ға, Шымкентте – 20,8%-ға, Ақмола облысында –23,7%-ға өсті.
Егер бөлшек бағаларды қарастыратын болсақ, онда ұлттық статистика бюросы әр айдың 20-да оларға мониторинг жүргізеді. Мәселен, 20 наурыздағы жағдай бойынша 1 кг құм-қанттың ел бойынша орташа бағасы 396 теңге болды, бұл 20 ақпанға қарағанда 33,8%-ға артық.
Алматыда осы кезеңде қант құны 62,6%-ға, 444 теңгеге дейін өсті. Қостанайда – 43,3%-ға, 430 теңгеге дейін, Нұр-Сұлтанда – 40,8%-ға, 449 теңгеге дейін, Таразда – 40,3%-ға, 348 теңгеге дейін, Оралда – 38%-ға, 407 теңгеге дейін, Қарағандыда – 32,5%-ға, 367 теңгеге дейін.
