Алматыда 700-ден астам ескірген үйді бұзу жоспарланған. Бұл туралы LS-ке мегаполистің әлеуметтік-кәсіпкерлік корпорациясынан хабарлады.
Ұйымның ақпараты бойынша, қалада пайдалану мерзімі өткен 1,4 мыңнан астам екі қабатты үй бар. Бұл ғимараттар 1930-1975 жылдары салынған.
Жалпы 708 үй жөндеу бағдарламасына кірді, ол үш бағытқа бөлінген.
Бірінші бағыт шеңберінде (2021-2025 жылдар кезеңінде) жалпы көлемі 112,2 мың ш.м. 280 үйді (2,6 мың пәтер) бұзу жоспарлануда, бұл ғимараттар Түрксіб (124 үй), Жетісу (30 үй), Алмалы (38 үй), Әуезов (41 үй), Бостандық (38 үй) және Медеу (9 үй) аудандарында орналасқан.
Екінші бағыт барысында апатты жағдайдағы үйлерді бұзу және тұрғындарды көшіру, сондай-ақ, санитарлық және су қорғау аймақтарындағы қызыл желілерде жүзеге асырылуда. Алмалы (55 үй), Бостандық (31 үй), Жетісу (28 үй), Медеу (18 үй), Түрксіб (72 үй), Алатау (34 үй) және Наурызбай (12 үй) аудандарындағы ауданы 102,8 мың шаршы метр барлығы 250 үй (2,6 мың пәтер).
Үшінші бағыт аясында Алмалы (52 үй), Бостандық (100 үй), Медеу (2 үй) және Түрксіб (24 үй) аудандарында ауданы 564,5 мың шаршы метр 178 үй (1,4 мың пәтер) бұзылады.
Бұған дейін аталған бағдарламаны жүзеге асыру үшін жылына 10 млрд теңге қажет болатын. Бес жыл ішінде жеке инвестициялар көлемі 250 млрд теңгені құрауы тиіс еді. Алайда, ескі үйлерді бұзуды тек бюджет қаражатынан қаржыландыру жоспарланғандықтан, ақша көлемі әлі де есептелуде. Бұрын жөндеу жобасы жеке инвесторлармен бірлесіп жүзеге асырылған болатын. Алматының бұрынғы әкімі Бақытжан Сағынтаев босап қалған аумақта бейберекет құрылыс салуды болдырмау үшін оны тоқтатуға шешім қабылдаған болатын.
