200 мыңға жуық қазақстандық шетелге табыс табу үшін кетті, деп хабарлайды LS.
Еңбек және әлеуметтік қорғау министрлігінің мәліметінше, осы жылдың І тоқсанында Қазақстанның 194 мыңнан астам тұрғыны елден табыс табуға кеткен. Оның ішінде 162,7 мың адам Ресейде, Польшада – 13,1 мың, Оңтүстік Кореяда – 6 мың, Ұлыбританияда – 5 мың адам жұмыс істейді.
Естеріңізге сала кетейік, премьер-министр Әлихан Смайылов еңбек министрлігіне қазақстандық қызметкерлердің шетелдегі құқықтарын қорғауды қамтамасыз етуді тапсырған болатын.
Еңбек министрлігі өз кезегінде Түркиямен, БАӘ-мен, Ұлыбританиямен жаңа келісімдер жасасу жөнінде шаралар қабылданғанын хабарлады.
Сондай-ақ, қазақстандықтардың Оңтүстік Кореяда заңды жұмысқа орналасуын қамтамасыз ету үшін Қазақстанды еңбекке рұқсат беру жүйесіне қосу мәселесі пысықталуда, соның арқасында migration.enbek.kz. порталына тіркелу арқылы жұмысқа орналасуға болады
Еңбек министрлігі қазақстандықтар енді осы елде қандай жағдайда жұмыс істей алатыны турасында түсінік берді.
"Біз алғашқы сауалнаманы толтырдық. Онда біздің азаматтардың Оңтүстік Кореяға қалай баратыны туралы алгоритм талқыланады. Қысқаша айтқанда, арнайы білім беру мекемелері құрылатын болады, онда қазақстандықтар Оңтүстік Кореяға сапарға дайындала бастайды, тілді және басқа да негізгі нәрселерді үйренеді. Екіншісі – олар медициналық көрсеткіштер бойынша тексеріледі, бұл елдің медициналық көмекке деген талабы бар. Үшіншісі-сенімділік. Нақты келісімдер болады. Еңбек етуші алдымен еңбек келісімдеріне қол қояды, онда оның құқықтары мен осы азаматты жіберетін жұмыспен қамту орталығының міндеттемелері жазылған", – деді ведомствоның көші-қон комитетінің төрағасы Асқарбек Ерсаев.
Бұдан басқа, "Құтты мекен" мигранттарын тіркеудің бірыңғай жүйесін құру пысықталуда және қазақстандық шет елдердегі мекемелер үшін "Қандас" автоматтандырылған ақпараттық жүйесіне жаңа функционалын енгізу басталды.
Сонымен қатар, Қазақстанда 1 тамызда 45 313 ресейлік жұмыс істеді. Салыстыру үшін, 2021 жылы осы мақсатта елге Ресей Федерациясынан 31 690 адам, ал 2022 жылы 63 345 адам кірді. Көбіне олар өнеркәсіптік өндірістің басшылары мен менеджерлері, консалтинг, қаржы, сақтандыру нарығы, интернет-технологиялар және IT-сектор мамандары лауазымдарын атқарады.
Айта кетейік, министрлік басшысы цифрлық даму министрлігіне елге қажет шетелдік мамандарға Қазақстанға кіруді жеңілдетуді тапсырды. Алайда заңсыз мигранттарды анықтау жұмыстары да күшейтілмек.
