Ауыл шаруашылығы министрлігі сиыр етінің бағасы күрт қымбаттайды деген болжамға негіз жоқ екенін мәлімдеді, деп хабарлайды LS.
Ауыл шаруашылығы вице-министрі Назгүл Хатепова ет бағасының қазіргі жағдайы мен болашақтағы динамикасына тоқталды.
"Қазір Қазақстанда сиыр етінің орташа бағасы- килограмына 3,8 мың теңге. Астанада еттің бағасы 3,8 мың теңгеден басталып, 4 мың теңгеден асады. Бірақ сиыр еті қымбаттайды деп алаңдауға негіз жоқ. Ішкі нарықтағы сұраныс отандық өндіріс есебінен толық қамтамасыз етіліп отыр",- деді ол.
Вице- министрдің айтуынша, өткен жылы Қазақстанда 434 мың тонна сиыр еті өндірілген. Биыл ет өндірісі одан әрі артып келеді.
Бұған дейін, елде қой етінің бағасы төмендегені хабарланған еді.
