Нұр-Сұлтанда жаңа өндіріс ошақтары ашылмақ

Олардың іске қосылуы келесі жылға жоспарланған

16 сентября 2021 года
    

Нұр-Сұлтанда 6,4 млрд теңгеге жеті агроөнеркәсіптік жобаны іске қосу жоспарлануда. Бұл туралы LS-ке елорда әкімдігінде хабарлады.

Елордада 2022 жылы азық-түлік өндіретін кешен ашылуы мүмкін. Инвестиция көлемі – 2 млрд теңге. Сондай-ақ, 1,2 млрд теңгеге сүт өңдеу зауыты салынбақ. Кәсіпорынның қуаттылығы жылына 18 мың тоннаны құрайды.

Сонымен қатар, елордада нан-тоқаш комбинатын 900 млн теңгеге іске қосу жоспарланып отыр. Кәсіпорында жылына 5,5 мың тонна өнім шығарылатын болады. Ұннан жасалған кондитерлік өнімдер шығаратын зауыт 800 млн теңгеге іске қосылады деп күтілуде. Нысанның қуаттылығы жылына 6 мың тоннаға дейін жетеді. Іске асыру мерзімі – 2020-2022 жылдар.

Мегаполисте мұздатылған кондитерлік, аспаздық, нан-тоқаш өнімдерін шығаратын зауыт іске қосылуы мүмкін, онда жылына 5 мың тоннаға дейін өнім шығарылады. Инвестиция –  500 млн теңге. Тағы бір осындай жоба 500 млн теңгеге бағаланып отыр. Осылайша, қалада дайын тамақ өнімдері мен жартылай фабрикаттар өндірісін қолға алу көзделген. Жобаның қуаттылығы жылына 5 мың тоннаны құрайды. Және  500 млн теңгеге көкөніс қоймасы салынады. Нысанда 6 мың тонна өнім сақталатын болады.

Естеріңізге сала кетейік, өткен жылы елордада 23 млрд теңгенің 10 өндірісі іске қосылған еді.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.