Қазақстан президенті Қасым-Жомарт Тоқаев еліміздің қорғаныс қабілетін нығайтуды және оқиғалардың шиеленіскен нұсқасына дайын болуды тапсырды, деп хабарлайды LS.
Мемлекет басшысының айтуынша, Ауғанстандағы жағдай және жаһандық шиеленістің жалпы өсуі қорғаныс-өнеркәсіп кешені мен әскери доктринаны қайта жүктеу міндетін қойып отыр.
"Қорғаныс қабілетін нығайту, жеделдікті арттыру, қауіп-қатерлерге ден қою осының барлығы мемлекеттік маңызы бар басымдықтарға айналуға тиіс. Біз сыртқы күйзелістерге және оқиғалар дамуының ең нашар нұсқасына дайындалуымыз керек. Сырттан келетін тәуекелдерді модельдеу өте өзекті болды. Стресс-тесттер жүргізіп, сценарийлерді пысықтаған жөн, олардың негізінде мемлекеттік аппараттың іс-қимыл жоспарлары әзірленіп, түзетілетін болады", - деп атап өтті Тоқаев.
Естеріңізге сала кетейік, Ауғанстандағы саяси жағдай Қазақстанға да әсер етті. Атап айтқанда, отандық экспорттаушылар аталған елдің ұн мен астық нарығын жоғалтуы мүмкін деп хабарланды.
Сондай-ақ, Жамбыл облысындағы жарылыстардан кейін Нұрлан Ермекбаев қорғаныс министрі қызметінен босатылуын сұрады. Ведомствоның жаңа басшысы қызметіне Мұрат Бектанов тағайындалды.
Тоқаев Жолдауының басқа тармақтарымен келесі бөлімдерде танысуға болады.
