Қазақстанда қызметін 25 жылдан бері үзбей жалғастырып келе жатқан компаниялар саны 20 мыңнан асып түсті, деп хабарлайды LS.
Ұлттық статистика бюросының мәліметінше, 1 қарашадағы жағдай бойынша елде 434,1 мың заңды тұлға жұмыс істейді. Бұл көрсеткіш өткен жылдың осы уақытымен салыстырғанда 2%-ға жоғары.
Ал бір жыл толмаған жас компаниялар саны 2,5%-ға қысқарып, 38,3 мыңға жетті. Сондай-ақ, қызмет етіп жүргеніне 12 ай болған 37,3 мың заңды тұлға бар, бұл көрсеткіш өткен жылмен салыстырғанда 15,9%-ға төмен.
Нарықта ең үлкен үлесті екі жылдан бес жылға дейін жұмыс істеп келе жатқан ұйымдар құрайды- олардың саны 126 мың, бұл 6,4%-дық өсім.
6- 10 жыл аралығында жұмыс істеп жүрген компаниялар- 91,9 мың (+2%), 11-15 жылдық тәжірибесі барлар- 53,1 мың (+5,7%), ал 16- 25 жыл аралығында жұмыс істейтіндер саны 65,8 мыңға жетті (+0,4%).
25 жылдан артық қызмет етіп келе жатқан компаниялар саны бір жылда 25%-ға өсіп, 21,5 мыңға жетті.
Олардың ішінде шағын бизнес басым- 18,8 мың кәсіпорын (+24,9%). Орта бизнес санатындағы ұйымдар 2 мыңға жетсе (+34,8%), ірі компаниялар саны 598-ге дейін көбейіп, 1,7 есе артқан.
Ұзақ уақыттан бері жұмыс істеп келе жатқан кәсіпорындардың көбі білім беру саласында шоғырланған- 4,4 мың (+36%). Одан кейін жылжымайтын мүлікпен байланысты қызметтер- 3 мың (+13,3%), мемлекеттік басқару, қорғаныс және әлеуметтік қамсыздандыру- 2,6 мың (+24,2%). Сонымен қатар сауда- 1,9 мың (+15,9%), құрылыс- 1,6 мың (+30,3%), ауыл, орман және балық шаруашылығы- 1,4 мың кәсіпорынмен (+40,4%) ерекшеленеді.
Ұзақ жылдар бойы жұмыс істеп келе жатқан компаниялардың көбі Алматыда шоғырланған- қалада мұндай 4 мың кәсіпорын бар (+28%). Одан кейінгі орындарда Қарағанды облысы- 1,6 мың (+17,3%), Қостанай облысы- 1,3 мың (+25,8%), сондай-ақ, Ақтөбе және Солтүстік Қазақстан облыстары- әрқайсысында 1,2 мыңнан кәсіпорын тіркелген (тиісінше +23,7% және +21,7%).
Бұған дейін, LS редакциясы биыл елде шамамен 13 мың кәсіпорынның жабылғанын хабарлаған болатын.
