Қазақстанда зейнетақы мен жәрдемақы индекстелуi мүмкін, деп хабарлайды LS.
Үкімет аясында ұлттық экономика министрі Әлібек Қуантыров журналистердің инфляцияның өсуіне байланысты зейнетақы мен жәрдемақының өсуі мүмкін бе деген сұрақтарына жауап берді.
"Біз әлеуметтік-экономикалық даму болжамын жасап, нақтылаймыз. Көктемгі түзету кезінде бюджетке қандай инфляцияны енгізетінімізге байланысты зейнетақылар мен жәрдемақылардың тағдыры да осыған сәйкес түсінікті болады. Бірақ мұны біз ғана емес, Ұлттық банкпен бірлесіп жасаймыз", - деп жауап берді ол.
Сонымен қатар, министр Ұлттық банк инфляцияға көп дәрежеде жауапты екенін еске салды, өйткені ол инфляциялық таргеттеу саясатын жүргізеді.
"Тиісінше, егер біз инфляциялық дәлізді қазіргіден жоғары қоятын болсақ, онда зейнетақылар мен жәрдемақыларды индекстеуге болады", - деп түйіндеді Қуантыров.
Бұрын қай өңірлердің тұрғындары ең көп зейнетақы жинаған туралы хабарланған болатын. Сондай-ақ, Қазақстанда орташа зейнетақы 105 мыңнан астам теңгені құрағаны белгілі.
