Қазақстанда тұрғын үй бағасының өсуі күтілуде – сарапшы

Алайда белгілі бір тоқырау байқалмақ

10 января 2023 года

2023 жылдың І жартысында Қазақстанда үш санаттағы тұрғын үй қымбаттайтын болады. LS-ке мұндай болжамды жылжымайтын мүлік федерациясының басшысы Ермек Мүсірепов айтты.

Сарапшының сөзінше, құрылыс нарығына инфляция, теңге бағамының әлсіреуі, сондай-ақ Ресейге санкциялардың күшеюі қысым жасауда, өйткені импорттық материалдардың 42%-ы осы елден сатып алынады.

"Осыған байланысты біз I және II санаттағы (элиталық және бизнес-класс) жылжымайтын мүліктің жыл ортасына қарай 10-12%-ға қымбаттағанын көреміз. Бұл айына шамамен 2-3% құрайды. III санаттағы тұрғын үй (комфорт класс) бағасы біраз өседі. IV санаттағы пәтерлер (эконом класс) шамамен 15%-ға арзандауы мүмкін, өйткені қазақстандықтардың сатып алу қабілеті төмен, ал нарықтағы ұсыныстар жоғары. Мысалы, Алматының Түрксіб және Наурызбай аудандарында салынып жатқан тұрғын үйдің шаршы метрі 450 мың теңге, бұл тым қымбат", - деп түсіндірді Мүсірепов.

Сарапшы қазақстандықтардың қаржылық мүмкіндіктерінің төмендеуіне және қолжетімді ипотеканың болмауына байланысты Қазақстанның жылжымайтын мүлік нарығында тоқырау байқалатынын атап өтті. LS сұхбаттасушысының айтуынша, "7-20-25" ипотекалық бағдарламасының ұзартылуы жағдайға аздап әсер етеді. Мүсірепов жақсы жағдайларға қарамастан, несие сомасына шектеулер халықтың барлық санаттарын қамтуға мүмкіндік бермейтінін түсіндірді. Қазіргі уақытта қарыздың ең жоғары мөлшері қалаға байланысты 15-25 млн теңге. Сонымен қатар, осы бағдарлама аясында пәтерлері бар адамдар өздерінің тұрғын үй жағдайларын жақсарта алмайды.

Мүсірепов құрылыс компаниялары осы ипотеканың ұзартылуына байланысты дүрбелең тудыруы мүмкін екенін атап өтті, бұл да бағаның өсуіне түрткі болмақ. Алыпсатарлықты азайту үшін сарапшы үкіметке өңірлердің дамуына назар аударуды күшейтуге кеңес берді.

"Облыстардағы белсенділікті арттырып, сондай-ақ онда көбірек жаңа үйлер салу қажет. Бұл қазірдің халық саны олсызда көп ірі қалаларға ішкі көші-қон процесін азайтуға мүмкіндік береді", - деп түйіндеді ол.

Естеріңізге сала кетейік, бұған дейін LS қазақстандықтарға қандай ипотекалық бағдарламалар қолжетімді екендігі туралы ақпаратты жариялаған болатын.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.