Қазақстандықтардың орташа зейнетақы мөлшері 105 мыңнан астам теңгені құрады, деп хабарлайды LS.
Еңбек министрлігінің ақпараты на сәйкес, 2022 жылғы сәуірде республикалық бюджеттен зейнетақы төлемдеріне 234,4 млрд теңгеден астам қаржы жұмсалды. Оның ішінде базалық зейнетақыға – 71,3 млрд теңге, ынтымақты зейнетақыға – 163,1 млрд теңге.
"Ағымдағы жылдың 1 мамырына зейнетақы төлемдерінің орташа мөлшері 105 193 теңгені құрады (2022 жылдың 1 сәуіріне 105 344 теңге). Осылайша, бір ай ішінде ол 151 теңгеге азайды. Бүгінде Қазақстанда барлығы 2,2 млн-нан астам зейнеткер бар", - деп хабарлады министрлікте.
Бұған дейін, LS Қазақстанда әйелдер үшін зейнет жасын 58 жасқа дейін төмендету ұсынылғаны туралы жазған болатын.
