Қазақстанда заңсыз несие берумен күрес тетіктерін жетілдіру ұсынылды, деп хабарлайды LS.
Қаржылық мониторинг агенттігі (ҚМА) Қаржы нарығын реттеу және дамыту агенттігіне (ҚНРДА) пайыздық мөлшерлемелерді реттеу, өсімқорлықпен күресу және лицензиясыз несие беру фактілерін анықтау тетіктерін жетілдіру жөнінде ұсыныстар енгізген. Бұл туралы Бас прокуратура "Ақ жол" фракциясы құрылтай депутаттарының сауалына берген жауабында хабарлады.
Ведомство мәліметінше, жыл басынан бері заңсыз микроқаржы қызметіне қатысты 19 қылмыстық іс қозғалған. Оның 10-ы сотқа жолданса, 4-і рақымшылыққа байланысты тоқтатылған.
2026 жылғы 15 сәуір мен 9 қыркүйекте ҚМА ҚНРДА- ға пайыздық мөлшерлемелерді реттеуді жетілдіру, өсімқорлықпен күресу және лицензиясыз несие беру фактілерін анықтау тетіктерін дамыту жөнінде ұсыныстар жолдаған.
Осы міндеттерді жүзеге асыру үшін 2026 жылғы 4 маусымда ҚМА мен ҚНРДА қызметкерлерінен ведомствоаралық жұмыс тобы құрылып, екі органның өзара іс- қимыл тәртібін айқындайтын регламент жобасы әзірленген.
Алайда құжат әлі де келісу сатысында.
Сонымен қатар заңсыз несие беру деректерін анықтау үшін интернет кеңістігін автоматты түрде бақылау тетігі әзірленіп жатыр. Оның көмегімен жалған сайттар мен мобильді қосымшаларды анықтау көзделген.
Бұған дейін, Қазақстанда қарыз алушылардың көлеңкелі несие нарығына ауысу қаупі күшейіп келе жатқаны хабарланған.
