Қазақстанда автокөліктер қымбаттады

ИИДМ-де жаңа машиналардың тапшылығын түсіндірді

15 ноября 2021 года
    

Қазақстанда көлік бағасы 8-10%-ға қымбаттады. Индустрия және инфрақұрылымдық даму министрлігі LS-ке оның себептерін атады.

Министрлiктiң мәліметінше, 2021 жылдың тоғыз айында инфляция 8,9% болған кезде жаңа көліктер өткен жылдың сәйкес кезеңімен салыстырғанда 8,3%-ға өскен. Пайдаланылған машиналардың құны 9,8%-ға өстi.

ИИДМ ақпаратына сәйкес, құнның өсуінің негізгі себептері бірнеше. Соның ішінде авто өндірісіне арналған компоненттер шығаратын зауыттардағы әлемдік тапшылық. Сондай-ақ, жеткізушілер ауыстырылды – көлік құралдарына арналған компоненттерді өндірушілер. Логистикалық қызметтердің құны өсті, ал Қазақстан – Қытайды қоса алғанда, елдердің шекараларында шектеулер пайда болып, осыған байланысты жеткізілімде проблемалар туындады.

Сонымен қатар, автомобиль өнеркәсібіндегі негізгі металдар айтарлықтай қымбаттады. Мыстың құны 48%-ға, алюминий – 61%-ға, қорғасын – 37%-ға және жазық илек – 65%-ға өсті. Бұл фактор өндірушілерді түпкілікті өнімнің бағасын көтеруге мәжбүр етті.

Басқа себептер жаңа модельдердің шығарылуы, инфляция деңгейі және жұмыс күшінің жалақысын индекстеу болды.

Министрлік сондай-ақ, Қытаймен шекарадағы кідірістерге байланысты техника тапшылығына түсініктеме берді.

Министрлiктiң хабарлауынша, порттар, коронавирустың өршуіне байланысты жабылуда. Осыған байланысты жүктер жинақталып, тасымалдауға арналған контейнерлер жетіспейді.

"Қазіргі уақытта Қазақстан үшін ҚХР-дан автомобиль құрастырушылары бар контейнерлердің көп саны жөнелтіледі деп күтілуде", - деп атап өтті ИИДМ-де.

Министрлiкте тапшылықтың тағы бір факторы болып бүкіл әлемде өнеркәсіпте қолданылатын микрочиптердің жетіспеушілігі екенiн де атап өттi.

Мәселені шешу үшін, ИИДМ ақпараты бойынша, автоөндірушілер өндіріске қажетті автомобиль жинақтауыштарын жеткізуге квотаны ұлғайту бойынша келіссөздер жүргізуде. Мемлекеттік органдар Қытаймен шекарада қалып қойған жүктер мәселесін шешу үшін де жұмыс істеуде.

"Бүгінде бүкіл автомобиль әлемі дағдарысты бастан кешуде. Бұл қазақстандық нарыққа да әсер етпей қоймайды. Экономикалық сарапшылар мен автоэксперттер нарық 2022 жылдың ортасында қалпына келеді деп болжайды", - деп қорытындылады министрлікте.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Последние новости:
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.