Қазақстанда әйелдер ипотекасы бойынша шарттар өзгерді

Өтінімдер наурыз айының ортасынан қабылданады

28 февраля 2022 года
    

Отбасы банкiнде "Ұмай" ипотекалық бағдарламасының жаңа шарттары туралы айтылды, деп хабарлайды LS.

Ақпаратқа сәйкес, енді оған жоғары табыс деңгейі бар қарыз алушылар қатыса алады. Олар үшін жалпы отбасылық бюджет шегі 640 мың теңгеге дейін (бұрын – 320 мың теңгеге дейін) көтерілді.

"Егер қарыз алушының отбасылық ай сайынғы табысы 550 мың теңгеден аспаса, онда ол бастапқы жарнаның небәрі 15%-ы болған кезде несие ала алады. Егер табыс 550 мың теңгеден 630 мың теңгеге дейін болса, онда несиені тұрғын үй құнының 20%-ы болған жағдайда алуға болады. Несиенің ең жоғарғы сомасы – 30 млн теңгеге дейін қоса алғанда. Пайыздық мөлшерлеме 13,5%-ды құрайды (сыйақының жылдық тиімді мөлшерлемесі (СЖТМ) 14,5%-дан бастап), кейіннен 5%-ға дейін төмендейді (СЖТМ – 5,2%-дан бастап)", - деп хабарлады Отбасы банкінде.

"Ұмай" ипотекасы бойынша қарыз алу мерзімі алты айдан 25 жылға дейінгі мерзімді құрайды. Тұрғын үй таңдауда ешқандай шектеулер жоқ. Яғни жылжымайтын мүлікті бастапқы нарықта да, қайталама нарықта да, оның ішінде үлестік қатысу шарты бойынша да сатып алуға болады. Бағдарлама бойынша жөндеу жұмыстарына 3,7 млн теңгеге дейін несие алуға болады.

Естеріңізге сала кетейік, әйелдер ипотекасы – бұл Отбасы банкі мен Азия даму банкінің бірлескен бағдарламасы. 2021 жылы бірінші транш аясында 8,4 млрд теңге көлемінде 954 қазақстандық әйел несие алды. Екінші транш көлемі 14 млрд теңгені құрайды. Биыл несиелендіруге өтінімдер наурыз айының ортасында қабылданады.

"Ұмай" бағдарламасы мемлекеттік бағдарламалардағыдай бірінші баспананы емес, екінші немесе үшінші баспананы тұрмыс жағдайын жақсарту немесе балаларға жылжымайтын мүлік сатып алу мақсатында сатып алатын әйелдерге арналған", - деп қорытындылады қаржы институты.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.