Қазақстан жүгері экспортын арттырды, деп хабарлайды LS.
2026 жылдың алғашқы бес айында жүгері экспорты 88,6 мың тоннаға жетіп, өткен жылдың осы кезеңімен салыстырғанда 20,5%-ға өсті.
1 шілдедегі жағдай бойынша еліміздің ішкі нарығындағы жүгері қоры 71,4 мың тоннаны құрады. Бұл өткен жылдың сәйкес кезеңімен салыстырғанда 12,7%-ға көп.
Отандық жүгерінің негізгі импорттаушысы бұрынғысынша Тәжікстан болып қалды. Бұл елге 43,3 мың тонна өнім экспортталып, жеткізілім көлемі 13,7%-ға артқан.
Ауғанстанға жөнелтілген жүгері көлемі айтарлықтай өсті. Бұл елге экспорт 34,6 есеге артып, 25,5 мың тоннаға жетті. Сондай-ақ, Қырғызстанға экспорт 1,9 есеге, Ресейге жеткізілім 36,5%-ға көбейді.
Ал Өзбекстанға экспорт 1,5 есеге, Түрікменстанға 7,7 есеге азайды. Беларуське жөнелтілген жүгері көлемі өзгерген жоқ.
Импортқа келсек, биылғы қаңтар-мамыр айларында Қазақстан шетелден 18,6 мың тонна жүгері сатып алды. Бұл өткен жылдың осы кезеңімен салыстырғанда 2,2 есе көп.
Ал Өзбекстанға экспорт 1,5 есеге, Түрікменстанға 7,7 есеге азайды. Беларуське жөнелтілген жүгері көлемі өзгерген жоқ.
Импортқа келсек, биылғы қаңтар-мамыр айларында Қазақстан шетелден 18,6 мың тонна жүгері сатып алды. Бұл өткен жылдың осы кезеңімен салыстырғанда 2,2 есе көп.
Сондай-ақ, Румыния, Германия, Түркия, Франция, АҚШ, Венгрия және Сербиядан әкелінетін жүгері көлемі де артты. Атап айтқанда, Румыниядан- 195,3 тонна, Германиядан- 47,2 тонна, Түркиядан- 721 тонна, Франциядан- 956,7 тонна, АҚШ-тан- 111,9 тонна, Венгриядан- 335,4 тонна, ал Сербиядан- 211 тонна жүгері импортталды.
Ал Қытай мен Австриядан жүгері импорты азайды. Қытайдан жеткізілім 2,6 есеге, ал Австриядан 21,6%-ға қысқарды.
