Алматы облысының әкімі Қанат Бозымбаев "Алтын Орда" базарында қандай жұмыстар жүргізілетінін айтты, деп хабарлайды LS.
Әкімнің айтуынша, қазір облыстың ірі базарымен жинақталған проблемаларды шешу міндеті тұр. Атап айтқанда, олар құрылыс, санитарлық және салықтық бақылау жүргізу.
"Президенттің "Алтын Орда" базарында тәртіп орнату тапсырмасы бар. Қазір дайындық үстіндеміз. Әзірге нақты сандарға тоқталмай-ақ қояйын. Бірақ осы базармен байланысы бар кейбір компаниялар өткен жылдары 10 млн теңгеден 20 млн теңгеге дейін салық төлеген. Осы ретте олар бюджетке қанша ақша салмағанын елестете аласыз. Сондықтан жұмыс барлық бағыттар бойынша жүргізіледі", - деп сендірді әкім.
Бозымбаев "Алтын Орданың" жұмысын жеңілдету және ашықтығын қамтамасыз ету үшін Іле ауданында А+ класты автоматтандырылған логистикалық хаб салу жоспарланғанын айтты.
"Оның ауданы 200 мың шаршы метрді құрайды. Ол үшін $200 млн көлемінде инвестиция тартамыз, шамамен 1,5 мың жаңа жұмыс орны құрылады", - деп түйіндеді өңір басшысы.
Бұған дейін Бозымбаев логистикалық хаб аграршылардың ауыл шаруашылығы өнімдерін өткізу үшін жаңа терезе құратынын айтқан болатын.
Естеріңізге сала кетейік, vемлекет басшысы Қасым-Жомарт Тоқаев "Алтын Ордада" екі ай iшiнде тәртіп орнатуды тапсырған болатын. Сондай-ақ, ол қажет болған жағдайда құқық қорғау органдарына жүгінуге болатынын атап өтті. Сонымен қатар, ол бүкіл Қазақстан бойынша базарлар жұмысын заңнамалық тұрғыдан регламенттеуді тапсырды.
