Алматы облысында 618 млрд теңгенің жобасы жүзеге асырылмақ, деп хабарлайды LS Ақордаға сілтеме жасап.
Өңір басшысы Марат Сұлтанғазиев мемлекет басшысы Қасым-Жомарт Тоқаевқа облыста орта мерзімді перспективада инвестициялардың 455 млрд-тан 686,5 млрд теңгеге дейін өсуін қамтамасыз ету жоспарланғанын айтты.
"Ол үшін инвестициялық портфель құрылады, оған жалпы сомасы 618 млрд теңге болатын 132 жоба кіреді. Оларды жүзеге асыру 7 мыңнан астам жұмыс орнын ашуға мүмкіндік береді", - делінген хабарламада.
Атап айтқанда, өңдеуші сектор, агро-өнеркәсіптік кешен, көлік және логистика, туризм өңір экономикасын дамытудың негізгі драйверлеріне айналады.
Облыс басшысының мәліметінше, бүгінгі таңда өңірде 290 млрд теңгенің 23 жобасы жүзеге асырылуда. 2626 адам жұмысқа орналасады деп күтілуде. Ал аграрлық салада 210 млрд теңгеге 3330 жұмыс орнын құрылып 78 жоба жүзеге асырылмақ.
Сұлтанғазиев, Алматы агломерациясының өңіраралық жоспарын іске асыру мақсатында инженерлік және әлеуметтік инфрақұрылымдар жүргізілетінiн атап өтті.
__wm.jpg)
