LS редакциясы қаржы нарықтарындағы құбылмалылық аясында қазақстандықтарға қандай валютаға инвестициялау тиімдірек екенін анықтады.
Қазақстан қаржыгерлер қауымдастығының (ҚҚҚ) жетекші талдаушысы Рамазан Досов қазақстандықтар жинақтарын ұлттық валютада сақтауды жөн көретінін атап өтті. Бұл көбінесе теңгемен нақты пайыздық мөлшерлемелердің инфляциядан жоғары ұсталуымен, сондай-ақ, ҚДКБҚ тарапынан салымдарға кепілдік берудің неғұрлым жоғары шектерінің болуымен, өткен жылмен салыстырғанда бағамның төмен құбылмалылығымен және covid-19-мен белгісіздіктің сақталуымен түсіндіріледі.
Осылайша, ол мәліметтерді келтірді, оған сәйкес жарты жылдың қорытындысы бойынша жеке тұлғалардың жиынтық депозиттері құрылымындағы теңгедегі салымдар көлемі 1,3 трлн теңгеге (+19,8%) – 8 трлн теңгеге дейін өсті. Осы уақыт ішінде шетел валютасындағы бөлшек салымдар тек 2,1%-ға, 4,2 трлн теңгеге дейін өсті. Осыған орай шетел валютасындағы депозиттердің үлесі 38%-дан 35%-ға дейін төмендеді.
Егер қандай валютаға инвестициялау тиімдірек екендігі туралы айтатын болсақ, онда Досовтың айтуынша, тәуекел деңгейлеріндегі салыстырмалы түрде аз айырмашылық кезінде үлкен кіріс әкелетін валютаны таңдау керек.
"Егер әңгіме депозиттер туралы болса, онда олардың негізгі функциясы сақтау және жинақтау, бірақ инвестицияламау болып табылады. Сонымен қатар, валюта бағамындағы айырмашылықтан ақша табу өте қиын, өйткені валюта нарығы- бұл көп бағытты қатысушылардың үлкен пулымен және әсер ету факторларының аздығымен динамикалық жүйе", – деп түсіндірді ҚҚҚ талдаушысы.
Сонымен қатар, Досов Ұлттық банктің инфляциялық күтулер бойынша халықтың сауалнамасы туралы еске салды (12.08.21). Нәтижесінде жинақтары бар адамдардың арасында (респонденттердің 17%) абсолюттік көпшілігі оларды салымдарда сақтайды – 58%, 26% – қолма-қол нысанда, 11% – жылжымайтын мүлікке, 3% – бағалы қағаздарға инвестициялайды.
"Салымшылардың қалауы бойынша біз ұлттық валютадағы және шетелдік валютадағы үлестердің – тиісінше 65% және 35%-ын бөлуге болады. Қолма-қол ақша формасына қатысты – үлкен артықшылықпен бірінші орында ұлттық валюта – 82%, одан кейін доллар – 28%, еуро – 5% және рубль – 5%. Естеріңізге сала кетейік, жыл басында теңгеге 75%, долларға – 36%, еуроға – 6%, рубльге – 8% келді", – деп түйіндеді Досов.
Бұған дейін LS редакциясы 2021 жылдың қаңтар-маусымында қазақстандықтар шетел валютасын сатып алуға 1 трлн теңгеден астам қаражат жұмсағанын жазған болатын. Оның ішінде долларға – 662,7 млрд теңге, рубльге – 312,5 млрд теңге, еуроға – 114,2 млрд теңге, юаньға – 90,8 млн теңге жұмсалды.
Сонымен қатар, Ұлттық банкте Қазақстанда шетел валютасына сұраныстың өскені байқалып отыр. Бұл экономикалық белсенділіктің қалпына келуімен және импорттың, ең алдымен тұтыну тауарларының өсуімен түсіндіріледі. Атап айтқанда, маусымдық фактор маңызды рөл атқарады. Яғни жазғы демалыстар кезеңі.