2019 жылы Қазақстаннан басқа елдерге 655 миллиардтан астам теңге аударылды, деп хабарлайды LS.
Ұлттық банктің мәліметі бойынша, бұл 2018 жылға қарағанда 8,8% - ға артық. Жалпы, өткен жылы Қазақстаннан 655,2 млрд теңге жіберілген.
Ең көп ақша Ресейге – 208 млрд теңгеден астам және Өзбекстанға – 139 млрд теңге аударылған. Бұдан әрі Түркия мен Қырғызстанға 93,4 млрд және 87,2 млрд теңге түсті. Қытайға бір жыл ішінде 35,5 млрд теңге жіберілді.
Барлық қаражаттың ең азы Қазақстаннан Украинаға - 10,7 млрд теңге және Арменияға - 9,4 млрд жөнелтілген.
Сонымен қатар, Қазақстан аумағында 46,4 млрд теңгенің транзакциялары жасалды.
Бұған дейін LS Қазақстанға басқа елдерден 2019 жылы 342 млрд теңгеден астам қаржы аударылғаны туралы инфографика дайындаған болатын.
Материал мен инфографиканы басқа БАҚ-на көшіруге тыйым салынады