Вагондардың меншік иелері мен экспорттаушылар Қытайдың жүкті қабылдамауына байланысты үлкен шығындарға ұшырап жатқандарына шағымданды, деп хабарлайды LS ҚТЖ-ға сілтеме жасап.
"ҚТЖ-Жүк тасымалдары" бас директоры Владимир Петров 11-20 маусым аралығында Достық станциясы (Қытай) бағытында контейнерлердегі жүктерден басқа барлық жүктерді тасымалдауға тыйым салу енгізілгенін хабарлады.
Оның айтуынша, ҚХР қатаң шектеу шараларына байланысты жүк тиелген вагондарды қабылдауды уақытылы жүргізбейді.
Қазіргі уақытта халықаралық тораптарда 180-нен астам жүк құрамы қозғалыстан қалып қойған, бұл Қазақстанның магистральдық желісінің өткізу қабілетін төмендетіп отыр.
Ол сондай-ақ тыйым салу кезінде "ҚТЖ" тасталған пойыздарды Қытай тарапына өткізуді жоспарлап отырғанын айтты.
"Егер шекарадағы жағдай өзгерсе, онда біз тыйымды ұзартпаймыз", - деп түсіндірді ол.
Сонымен қатар, Қазақстан тасымалдаушылары және вагондар (контейнерлер) операторларының қауымдастығы) бас директоры Салтанат Адамбаева шекараға жақындаған кезде вагондардың кешігуі вагон иелерінің қалтасына тиетінін атап өтті.
"Біз үлкен шығынға ұшыраудамыз. Жол жүру барысында вагондардың кідіруін болдырмайтын шектеу шараларын енгізу жөніндегі мәселені шындап шешу, сондай-ақ айыппұл санкцияларын қарау қажет", - деп мәлімдеді ол.
Өз кезегінде индустрия және инфрақұрылымдық даму министрлігі тасымалдаушыға пойыздардың жүру жолында кідіруіне жол бермейтін қажетті шектеу шараларын қабылдауға тапсырма берді. Сондай-ақ, ҚХР-мен жүк тиелген вагондарды қабылдау бойынша жұмысты күшейту және тасымалдаудың баламалы нұсқаларын, оның ішінде контейнерлік тасымалдарға көшуді қарастыру тапсырылды.
Бұған дейін, LS Қазақстан Қытайға жүк жеткізу кестесін келіскені туралы жазған болатын. Сәуір айында Қытай шекарасы экспорттаушылар үшін жабылды. Бірақ, айдың соңында Қытай Қазақстаннан қайтадан теміржол жүктерін қабылдай бастады.
