Қазақстан шетелге консервіленген ет экспортын ұлғайтты, деп хабарлайды LS.
Биылғы қаңтар-ақпан айларында елде 2,1 мың тонна балық консервілері өндірілген. Бұл өткен жылдың сәйкес кезеңімен салыстырғанда 3,5%-ға артық.
Ал ет консервілері 28,7%-ға өсіп, 1,2 мың тоннаны құрады.
Аталған өнімдердің экспорты 9,5%-ға артып, 262,4 тоннаға жетті. Әсіресе, ет консервілерінің сыртқы нарыққа шығуы 3,6 есе өскен. Дегенмен, жалпы экспорт көлемі әлі де шағын – небәрі 55 тонна.
Қазақстандық өнім көршілес мемлекеттерге жөнелтілді: Ресейге – 21,9 тонна (өсім 3,1 есе), Түрікменстанға – 19 тонна, Тәжікстанға – 14 тонна. Айта кетейік, соңғы екі елге өткен жылдың осы кезеңінде мүлдем жеткізілім болмаған.
Сонымен қатар Қазақстаннан моллюскілер мен шаянтәрізділер консервілері де экспортталған – 1,9 тонна (19 есе өсім). Бұл өнім түгелдей Ресейге жөнелтілген.
Ал балық консервілері мен уылдырық экспорты керісінше, азайған – 205,4 тонна (-8,3%). Бұл көлемнің барлығын Ресей сатып алған.
Импорт көрсеткіштері экспорттан әлдеқайда жоғары – 5 мың тонна. Бұл өткен жылмен салыстырғанда 3%-ға өскен.
Қазақстанға ең көп әкелінетін өнім – ет консервілері (3,4 мың тонна, +7,2%). Бұл өнімдерді Ресей, Беларусь, Украина, Өзбекстан және Түркиядан тасымалдаған.
Сонымен бірге отандық тұтынушылар арасында шетелдік моллюскілер мен шаянтәрізділер консервілері де танымал болып отыр – 227,6 тонна (+1,6 есе). Бұл өнімдер Ресей, Қытай, Беларусь және Италиядан жеткізілген.
Балық консервілері мен уылдырықты импорттау көлемі азайды – 1,3 мың тонна, бұл өткен жылмен салыстырғанда 11,6%-ға төмен. Негізгі жеткізуші – Ресей. Сонымен қатар шағын партиялар Беларусь, Қытай, Таиланд, Түркия және Исландиядан әкелінген.
