LS тілшісі 2024 жылы Қазақстан мен Қытай арасындағы экономикалық қарым-қатынастардың қалай қалыптасқанын талдады.
Екі ел арасындағы тауар айналымы $30 млрд-ды құрап, 2023 жылмен салыстырғанда 0,01%-ға ғана азайды.
Қазақстаннан экспорт 12,6%-ға төмендеп, 17 млн тоннаны құрады. Алайда ақшалай мәнде 1,5%-ға өсіп, $14,9 млрд-ға жетті.
Қытайдан импорт бойынша керісінше жағдай байқалады: ақшалай мәнде 1,5%-ға азайып ($15,1 млрд), ал көлемі 17,8%-ға өсіп, 4,6 млн тоннаны құрады.
Инвестицияға келсек, Қытай 2024 жылдың қаңтар-қыркүйек айларында Қазақстан экономикасына $726 млн инвестиция салды. Бұл 2023 жылдың сәйкес кезеңімен салыстырғанда екі есе аз.
Ал қазақстандық инвесторлар Қытайға салатын қаржысын ұлғайтты – 71,8 млн доллар (+2,2 есе).
Қазақстанда Қытай қатысатын заңды тұлғалар мен филиалдардың саны артып келеді. 2024 жылдың 1 қаңтарындағы мәліметке сәйкес, олардың саны 3,6 мың ұйымға жетті (+1,5 есе).
Кәсіпорындардың ішінде шағын (3,6 мың; +1,5 есе) және орта (24; +26,3%) бизнес субъектілері көбейгенімен, ірі компаниялардың саны азайды (19; -5%).
Бұл кәсіпорындар негізінен сауда (1,5 мың; +1,6 есе), өңдеу өнеркәсібі (298; +1,6 есе), құрылыс (288; +41%) және тау-кен өндіру салаларында (192; +1,5 есе) жұмыс істейді.
Қытайлық инвесторлар негізінен ірі қалаларда жұмыс істеуді жөн көреді: Алматыда – 2,3 мың компания (+1,5 есе), Астанада – 758 (+1,6 есе), Шымкентте – 92 (+1,1%).
Миграцияға келер болсақ, 2024 жылы Қытайдан Қазақстанға 2,1 мың адам қоныс аударды, бұл 2023 жылмен салыстырғанда екі есе көп.
Ал Қазақстаннан Қытайға көшкендер саны 10 адамды құрады (-1,8 есе).
Қытайдан келетін еңбек мигранттарының саны да артты – 2024 жылғы 1 желтоқсанда олардың саны 4,8 мың адамға жетіп, 18%-ға өсті.
.jpg)
