Қазақстандық кәсіпкерлер QR-код арқылы қолма-қол ақшасыз төлемдер жүйесіне жаппай қосылуда. Бұл шағын және орта бизнес өкілдерінің көлеңкеден шығуына ықпал етеді.
Ұлттық банктің түрлі банктердің клиенттері арасында 24/7 режимінде аударымдар жүргізу үшін жедел төлемдер жүйесінің жаңғыртылған платформасын іске қосуы төлемдердің осы нысанының дамуына серпін берді.
Айта кетейік, Қазақстан қаржыгерлері қауымдастығының мәліметтері бойынша, 2022 жылдың І тоқсанында қолма-қол ақшасыз транзакциялар көлемі бір жыл бұрын 12,5 трлн теңгеге қарағанда 19,1 трлн теңгеге дейін өсті.
Ел бойынша қолма-қол ақшасыз операциялардың үлесі 74,3%-дан 80,9%-ға дейін ұлғайды. Бұл ретте Қазақстандағы барлық төлемдердің негізгі үлесі интернет және мобильді банкинг арқылы жасалады – 84,2% немесе 16,1 трлн теңге.
Сарапшылар қазірдің өзінде онлайн-төлемдерді дамыту тренді әрі қарай да өсетінін айтады. Бұл ыңғайлылық пен QR кодтарының кеңінен қолданылуына байланысты. Бұл құрал қарапайым сатып алушылар үшін де, шағын және орта бизнес үшін де мүмкіндіктерді кеңейтті.
Сатып алушылар мен кәсіпкерлер арасындағы көпірдің маңызды рөлін банктер мен олардың өнімдері атқарады, олар мәселелерді жедел және онлайн режимінде шешуге көмектеседі. Арнайы мүмкіндіктердің арқасында шағын және орта бизнес жүйеге қосылып, төлемдерді бірден қабылдай алады.
Мысалы, Jusan Bank хабарлағандай, бизнес POS-терминалды (Jusan Tole) орнатуға тікелей Jusan Business қосымшасы арқылы өтінім бере алады. Бұл жағдайда құрылғы үшін ешқайда барудың қажеті жоқ, банк қызметкерлері оны бір күн ішінде сауда нүктесіне жеткізеді. Олар сонымен қатар терминалды қосуға, оны орнатуға және оның жұмысының барлық нюанстарын түсіндіруге көмектеседі.
Сонымен қатар, төлемдерді смартфонда да қабылдауға болады. Jusan Tole қосымшасын жүктеп алып, төлемдерді дереу қабылдаңыз. Ақша бірден түседі.
Банкте атап өткендей, Jusan Tole мобильді қосымшасының көмегімен тауарларды немесе қызметтерді сатып алушылардың өз қаражатына, сондай-ақ, 12 айға бөліп төлеуге немесе 24 айға дейін несиеге сатуға болады.
Сондай-ақ, кәсіпкерлер өз тауарлары мен қызметтерін банктің "Jusan Дүкен" маркетплейсіне қосымша орналастыра алады.
Қазірдің өзінде Jusan Bank деректері бойынша ШОБ субъектілерінің Jusan Tole-ға қосылуының айтарлықтай өскені байқалады. Мәселен, егер 2022 жылғы 1 қаңтарда олардың саны 6441 кәсіпкерді құраса, 30 маусымға қарай 3,5 есеге, 26 886-ға дейін өсті.
"Көптеген клиенттер осы төлем түріне көшуде. Бұл тауарлар мен қызметтердің қол жетімді болуына байланысты және сіз оларды өз қаражатыңызбен төлей аласыз және бөліп-бөліп сатып ала аласыз. Бұл процесс шағын және орта бизнестің дамуына және бюджетке салықтардың ағылуына ықпал етіп, процесті ашық етеді. Бүгінде бизнес өркениетті қарым- қатынасты қалайды", - деп түсіндірді Jusan Bank сатуды дамыту және сүйемелдеу департаменті директорының орынбасары Елдос Қырбасов.
