Алматыда электр энергиясы қымбаттады. Бұл туралы қала әкімінің орынбасары Асқар Амрин мәлімдеді, деп хабарлайды LS.
Мәслихаттың кезектен тыс XI сессиясы барысында ол 2023 жылғы 1 қарашадан бастап электр энергиясына тариф көтерілгенін айты. Оның ішінде жеке тұлғалар үшін – 7%-ға немесе 1,51 теңгеге 23,1 теңгеге дейін. Заңды тұлғалар үшін өсім 1,2% – немесе 0,31 теңгеден 26,7 теңгеге дейін құрады.
Мегаполистің табиғи монополияларды реттеу комитеті департаментінің деректеріне сәйкес, жеке тұлғалар үшін тұрғын үйге электр энергиясын орташа тұтыну 209 кВтсағ құрайды, бұл тұрғын үйге 315,59 теңгеге (209 кВтсағ *1,51 теңге) құнын арттыруды көздейді.
Осыған байланысты Амрин өтемақы мөлшерін 0,6 АЕК (2 070 теңге) дейін арттыруды ұсынды. Қазір ол 0,5 АЕК (1 725 теңге). Қала әкімі орынбасарының пікірінше, төлемдерді ұлғайту тұрғын үйге әлеуметтік көмекті 345 теңгеге күшейтуге мүмкіндік береді.
Жұмыспен қамту және әлеуметтік бағдарламалар басқармасында, 2023 жылдың бес айында осы әлеуметтік көмекпен 100,1 мың алматылық қамтылғаны нақтыланды.
Жобада сондай-ақ, 2023 жылғы 31 желтоқсанға дейін жүгінген әлеуметтік көмек алушылар үшін қайта өтініш бермей, төлем мерзімін 2024 жылғы 30 маусымға дейін ұзарту көзделген.
Жобаны қаржыландыру Алматы қаласы бюджетінің қаражаты шеңберінде жүзеге асырылады және ол қабылданған жағдайда 2023 жылдың соңына дейін қосымша қаражат талап етілмейді. 2024 жылға қаржыландыру 4,1 млрд теңге (315,4 мың адам).
"Заңнамаға енгізілген өзгерістерге байланысты біз қоғамдық көлікте жеңілдікпен жол жүруге құқығы бар әлеуметтік осал азаматтар санаттарының тізбесін кеңейтуіміз керек. Сонымен қатар, жаңа қалалық және қала маңындағы маршруттарды әлеуметтік маңызы бар қатынастар тізіміне енгізу қажет", - деп атап өтті Амрин.
