Қазақстанда АҚШ инвесторының қатысуымен ет өңдеу зауытының орналасу аймағы анықталды, деп хабарлайды LS.
LS-ке Қонаев әкімдігінде хабарлағандай, жоба "Арна" индустриялық аймағында жүзеге асырылады. Сонымен, жалпы ауданы 100 га учаске анықталды. Қазіргі уақытта берілген жер учаскесін түгендеу жұмыстары жүргізілуде. Сондай-ақ, жоба бастамашылары қажетті құжаттарды рәсімдеп, келісу процестерi жүріп жатыр.
Алдын ала деректер бойынша кәсіпорынның қуаты тәулігіне 2 мың бас iрi қара мал немесе шамамен 100-120 мың тонна етті құрайды. Инвестиция көлемі 127,5 млрд теңге болуы мүмкін. Зауытты iске асыру мерзімі айтылмаған. Бірақ, кәсіпорында 4 мыңға жуық жұмыс орны ашылады деп күтілуде.
LS редакциясы бұған дейін аталмыш жоба Tyson Foods Inc (АҚШ) компаниясымен бірлесіп жүзеге асырылатынын жазған болатын. Ауыл шаруашылығы министрлігі 2020 жылдан бастап америкалық инвесторлар Қазақстанда ірі қара мал өңдеу зауытының құрылысын бастайтынын хабарлады. Сонымен, Tyson Foods корпорациясынан үш зауыт салуға $5 млрд-ға дейін инвестиция күтілді.
Кәсіпорындардың бірі Алматы облысының Сарқан ауданында ашу ұсынылған еді. Оның құны – $300 млн. Комбинатты іске қосу есебінен 20 мыңға жуық жұмыс орны ашылуы мүмкіндiгi бар.
Анықтама
Tyson Foods Inc. - американдық компания, өндіріс көлемі бойынша әлемдегі екінші ет жеткізуші болып табылады. McDonald 's, Burger King, Wendy' s, Wal-Mart сияқты ірі желілерді қамтиды.
