Сыбайлас жемқорлыққа қарсы іс-қимыл агенттігінің төрағасы Олжас Бектенов Қазақстандағы сұр схемалардың артында кім тұрғанын айтты, деп хабарлайды LS.
"Мұндай сұр схемалардың артында шетелде көлеңкелі кірістерді жасыратын ықпалды адамдар тұрды", - деді Бектенов.
Ол "соңғы километрді" тарифициялау кезіндегі сыбайлас жемқорлықты мысалға келтірді. Қабылданған шаралар нәтижесінде құны 57 млрд теңге болатын 600-ден астам теміржол кірме жолдары мемлекеттің бақылауына өтті. Нәтижесінде теміржол тасымалдаушылары үшін тарифтер 14 есеге төмендеді (2 200 теңгеден 147 теңгеге дейін).
Сондықтан негізсіз байыту үшін жауапкершілік енгізуді көздейтін заң жобасы әзірленіп, Парламентке енгізілді. Сондай-ақ, қаржылық тергеу институтын енгізу пысықтауда агенттікте тиісті бөлімше құрылды.
Бектенов елге шетелге заңсыз әкетілген қаражат пен мүлікті қайтару мақсатында халықаралық ынтымақтастықты күшейту қажеттігін айтты.
"Еуропа Кеңесі тарапынан Қазақстанға сыбайлас жемқорлық үшін қылмыстық жауапкершілік туралы Еуропалық конвенцияға қосылуға ресми шақыру-хат келіп түсті. Енді біз Конвенцияға кіру үшін қажетті процедуралармен айналысамыз. Соның нәтижесінде біздің жемқорлар мен ұрланған активтерді шетелден қайтару мүмкіндіктерімізді кеңейтеді", - деп түсіндірді ол.
Бектеновтың айтуынша, еуропалық стандарттарға сәйкес болу үшін Қазақстан сот жүйесінің толыққанды тәуелсіздігін, тиісті қоғамдық бақылауды қамтамасыз етуі, деректерге қолжетімділікті кеңейте отырып, сыбайлас жемқорлыққа қарсы мекеменің мәртебесін күшейтуі тиіс.
"Бұл бағыттағы жұмыстар жалғасуда. ГРЕКО*-ның толық құқықты қатысушысы ретінде Қазақстан бірінші монтирингтік раундтар шеңберінде бізге берілген 27 ұсынысты орындайды", - деп атап өтті агенттік басшысы.
Сонымен қатар, оның айтуынша, ел активтерді 430 млрд теңгеге немесе шамамен $1 млрд-қа қайтара алды.
"ӨКМ Операторының" ісі бойынша 180 млрд теңгеден астам қаражат жымқыруға жол берілмеді, олар толықтай мемлекетке қайтарылып, әлеуметтік мақсаттарға жұмсалады.
Анықтама
* ГРЕКО - сыбайлас жемқорлыққа қарсы күрес жөніндегі мемлекеттер тобы.
