Қызылорда облысында 45,2 млрд теңгенің төрт өндірісін ашу жоспарланып отыр, оның ішінде шыны зауытын сынақтан өткізу жұмыстары да бар. Бұл туралы LS-ке өңірлік әкімдікте хабарлады.
Ақпаратқа сәйкес, Тәуелсіздік күніне орай Қызылордада 42,1 млрд теңгеге шыны зауытының жобасы бойынша құрылыс жұмыстарын аяқтау жоспарланып отыр. Сондай-ақ, күйдіру пешінің суық іске қосылуы және сынақ өнімдерінің шығарылуы күтілуде. Бұған дейін бұл өндіріс ошақтарын ағымдағы жылдың қазан-қараша айларында өткізу жоспарланған болатын.
Индустрия және инфрақұрылымдық даму министрі Бейбіт Атамқұловтың айтуынша, бұл өндіріс келесі жылы пайдалануға беріледі. Оның іске қосылуына байланысты ішкі нарықтың табақ шыныға қажеттілігі 98%-ға жабылуы мүмкін.
Өңірлік әкімдікте хабарлағандай, қалған үш өндіріс пайдалануға беріледі. Осылайша, 16 желтоқсанда жылына 180 мың тонна ас тұзын шығаратын кәсіпорын іске қосылмақ. Инвестициялар – 2,9 млрд теңге.
Сондай-ақ, 49,8 млн теңгенiң күріш жобасы iске қосылмақ. Бұл нысанның қуаттылығы жылына 630 тонна күрішті құрайды. Өңірде кермзит блоктары өндірісінің ашылуы күтілуде, онда жылына 3 млн дана шығарылады. Құны – 130 млн теңге. Әкімдікте атап өткендей, бұл кәсіпорындарда 456 жұмыс орны ашылады.
Естеріңізге сала кетейік, Қызылорда облысының экономикасы 456 млрд теңгеден астам инвестиция ала алады. 2020-2025 жылдарға 543 млрд теңгеге 41 жобаны іске асыру жоспарланған. Соның есебiнен 7 мыңнан астам адам жұмысқа орналасады.