Шымкенттің шығынды жобалары белгілі болды

22 июня 2022 года

Есеп комитетінде Шымкенттің тиімсіз жобалары туралы айтылды, деп хабарлайды LS.

Ақпаратқа сәйкес, қалада аудит кезінде қазіргі уақытта жұмыс істемейтін немесе толық жүктелмеген бірқатар кәсіпорындар анықталды.

Осылайша, базальт кенін қайта өңдеу және сэндвич-панельдер өндіру кешенін іске қосу тиімсіз жоба болып табылады (бастамашы "Халифа и К").  Нысанды ашу үшін индустриалды аймақта жер телімі берілген болатын. Кәсіпорын бүгінгі таңда жұмысын тоқтатқан.

Сондай-ақ, аяқ киім шығаратын фабрика жабылды (бастамашысы "Оңтүстік Қазақстан аяқ киім фабрикасы"). Есеп комитеті бұған дейін ол "2010-2014 жылдарға арналған кәсіпкерлікті қолдау картасына" кіргенін атап өтті.

Комитеттің мәліметінше, тағы алты жоба жүзеге асыру мерзімдерін бірнеше рет ауыстыруына байланысты жеткілікті тиімді емес деп танылған. Аталмыш нысандарда жұмыс орындары құрылмаған және әлеуметтік-экономикалық тиімділік көрсетілмегенi анықталды. Комитетте сондай-ақ, тиімсіз деп танылған кәсіпорындардың тiзiмiн атап шықты: макулатурадан картон қағазын шығару зауыты (Kaz Bio Life), түсті металл бұйымдарын құю жөніндегі шағын зауыт (Нұр-kz), газоблоктарды шығару зауыты ("Аманта" Корпорациясы"), синтетикалық иірімжіп өндірісі ("Назар-Текстиль"), қағаз бұйымдарын өндіру жобалары (Ardis Co), аралас иірілген жіп өндірісінің екінші кезегі (Azala Cotton).

Есеп комитетінде жекелеген өндірістік алаңдар жоспарлы қуатқа жетпегенін де қосты.

Мысалы, "Әлем Бетон" компаниясы өткен жылы қуаттылығы жылына 250 мың тонна өнім болған кезде тек 15% ғана көрсеткiш байқатты.

2019-2021 жылдары қара қорғасынды қайта өңдеу кәсіпорны (Shymkent Smelting) толық қуатына шыққан жоқ. Өткен жылы бұл нысан 28%-ға (3,4 мың тонна өнім) жүктелді. Бұл ретте кәсіпорында жылына 12 мың тонна өнім шығару жоспарланған.

Осы жылдары металлургия зауыты ("Амир-А", Sin Yuan Steel), баспа кілемдері мен кілемшелер өндірісі ("Бал Декор") толық жүктелмеген болып шықты.

"Дизель генератор зауытының құрылысы" (New technology Ltd), "Қант және тәтті печенье өндіру желісі" ("Рахат-Шымкент") жобалары 2019-2021 жылдары жобалық қуатқа қол жеткізбегендіктен тиімді емес", - деп толықтырды қадағалау мекемесінде.

Сондай-ақ, қаланың кәсіпкерлік және индустриалды-инновациялық даму басқармасында мемлекеттік қолдау шаралары туралы болмай шықты. Олардың пікірінше, бұл жобаларға мониторинг жеткілікті түрде жүргізілмеген.

Есеп комитеті мемлекеттік аудиттің қорытындысы бойынша үкімет атына тиісті ұсынымдар мен индустрия және инфрақұрылымдық даму министрлігіне, индустриялық даму комитетіне, квазимемлекеттік сектор субъектілеріне, сондай-ақ облыс әкіміне тапсырмалар берілгенін хабарлады.

Бұған дейін, индустриялық өндірістердің бірқатары шығынды болып, Қазақстанда жабылғаны белгілі болды.  Деректерге сай, бұл жобаларды жоспарлау сатысында олар сапасыз пысықталып, мемлекеттік қолдау шаралары тиімді болмаған.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.