24 ақпаннан бастап қазақстандық банктерде ресейліктер мен белорустар 11,9 мыңнан астам шот ашты, деп хабарлайды LS.
Қаржы нарығын реттеу агенттігі аталған мемлекеттердің 162 мың азаматының Қазақстан банктерінде шоттары бар екенін хабарлады.
"24 ақпаннан бастап Ресей мен Беларусь тұрғындары үшін 11 940 шот ашылды. Оның ішінде 10 725 шот - өтініш берушінің немесе сенімді тұлғаның жеке қатысуымен, 1 215 шот – қашықтан. Резидент емес заңды тұлғалардың жаңа шоттарының өсуі шамалы. Ағымдағы жылдың ақпан айының соңынан бастап ресейлік жеті компания үшін банктік шоттар ашылды. Қазақстандық банктерде шоттары бар көрші елдің ұйымдарының жалпы саны 805-ке жетті", - деп атап өтті қаржы агенттігінде.
Ведомствода шотты ашу электронды өтініш арқылы офлайн режимде де, онлайн режимінде де жүргізілуі мүмкін екенін еске салды.
"Тиісті тексеру аясында банктер шетелдік тұлғалар мен бенефициарлық меншік иелерін сәйкестендіруде, сондай-ақ, іскерлік қатынастардың мақсаты мен сипатын анықтауда", - деп қорытындылады қаржы нарығын реттеу агенттігінде.