Қазақстанда азық-түлік өнімдерінің бағасын белгілеуде тәртіп орнату тапсырылды, деп хабарлайды LS.
Президент Қасым-Жомарт Тоқаевтың айтуынша, әлеуметтік маңызы бар азық-түлік тауарларының бағасын ұстап тұрудың қолданыстағы құралдары бүгінде тиімсіз.
"Жергілікті бюджеттен сауда желілеріне азық-түлік тауарларын төмен бағамен сату орнына 30 млрд теңгеден астам нақты тегін қарыз бөлінді. Қазіргі жағдайда бұл жақсы шешім. Алайда, бұл шараның нарыққа әсері 1-4% шегінде. Тұрақтандыру қорларына да қатысты, олардың нарықтағы өнімінің үлесі 4%-дан аспайды. Фермерлердің өздерінен форвардтық сатып алу құралы жеткіліксіз іске қосылған. Осы ретте әкімдердің жауапкершілігі артады. Себебі өңірлердің жағдайы алдымен соларға байланысты", - деді ол.
Осыған байланысты мемлекет басшысы ұкіметке "Атамекен" ұлттық палатасымен бірлесіп, қолданыстағы құралдардың тиімділігіне бағалау жүргізуді және неғұрлым тиімді шаралар топтамасын ұсынуды тапсырды.
"Әлемдік және әсіресе іргелес нарықтарда сұранысты, ұсынысты және бағаны болжау жүйесінің болуы өте маңызды. Ресей мен Өзбекстан, Қырғызстан арасындағы сауда ағындары – бұл өмірдің бір бөлігі іспеттес қала бермек. Сондықтан, ауыл шаруашылығы министрлігінің болжамдық –талдау аппараты олардың әсерін толығымен ескеруі керек. Қазіргі уақытта біз оны әлі байқамаймыз", - деп атап өтті ол.
Сондай-ақ, ведомствоаралық ынтымақтастық маңызды, деп жалғастырды Тоқаев.
"Негізгі дақылдар мен тауарлар бойынша болжамдық баланстарды әзірлеу, серіктестермен ақпарат алмасу қажет. Маңызды мәселе – артық және таза емес делдалдар. Әділ сауда делдалдығы – бұл нарықтық экономиканың ажырамас әрі қажетті бөлігі. Тағы қайталап айтамын: әділ сауда. Бірақ делдалдар нарықты өздері үшін бұзған кезде өндірушілер мен тұтынушылар есебінен үстеме пайда алады – бұл қолайсыз", - деп атап өтті ол.
Мемлекет басшысы атап өткендей, көбінесе жергілікті билік түсіне алмайтын тұрақты схемалар бар.
"Үкімет бәсекелестікті қорғау агенттігімен, әкімдермен бірлесіп өңірлерде осындай делдалдық схемаларды тексеру жөніндегі комиссия құруы керек. Бұл жұмысқа қаржы мониторингі агенттігі де қосылуы тиіс. Олар осы баға тізбегін түсініп, нәтижелерін хабарлауы қажет. Ірі қалалардың көтерме сауда нарықтарына да ерекше назар аударылуы маңызды", - деп түйіндеді ол.
Бұған дейін хабарланғандай, Қазақстанда сәбіз бағасы жарты жылда 2,5 есеге, ал картопқа – 92%-ға өсті.
Сондай-ақ, LS Қазақстанда қандай өнімдер қымбаттағанын көрсетіп, олардың қымбаттауына байланысты көтерме бағаның бөлшек бағадан қалай ерекшеленгені туралы ақпарат ұсынды.
