Қазақстанның көші-қон жылыстауы бойынша бұрын сонды айтылған 26,2 мың адам саны Еуразиялық экономикалық одақ елдері арасындағы ең жоғары көрсеткіш болып тұр, деп хабарлайды LS.
Естеріңізге сала кетейік, 2019 жылдың қаңтар-қыркүйек айларында Қазақстаннан 34,2 мың адам кетіп, 8 мың адам көшіп келген. Осылайша көші-қон жылыстауы 26,2 мың адамды құрады.
ЕЭО елдері статистикасы екі теріс көрсеткішті анықтады. Біріншіден, Қазақстандағы көші-қон жылыстауы 2018 жылдың қаңтар-қыркүйегімен салыстырғанда 17,8%-ға өсті. Екіншіден, елде эмигранттар мен иммигранттар арасындағы айырмашылық Одақта ең көп болды.
Осылайша, Армениядағы көші-қон ағыны тоғыз айда 14,7 мың адамды құрады (6,4 мың адам келді, 21,1 мың адам кетті), ал Қырғызстанда-4,4 мың адам (1,1 мың адам келді, 5,5 мың адам кетті).
Сонымен қатар, Одақтың басқа елдерінде көші-қон өсімі тіркелген. Есепті кезеңде Ресейге 490,9 мың адам көшіп келді, ал елден 193,2 мың адам өсімімен 297,7 мың адам көшіп кетті. Беларуське өз кезегінде 18,5 мың адам келсе, 14,1 мың адам кеткен, осылайша көші-қон өсімі 4,4 мың адамды құрады.
Халықтың табиғи өсіміне келер болсақ, Қазақстанда 2019 жылдың қаңтар-қыркүйегінде туғандар мен қайтыс болғандар арасындағы айырмашылық 201 мыңды немесе 1 мың адамға шаққанда 14,5 құрады.
Қырғызстанда өсім 1 мың адамға шаққанда 21,9 -ды, Арменияда-3,1-ді құрады. Бұл ретте Беларусьте 1 мың адамға шаққанда 3,5, ал Ресейде - 2,1 табиғи кему байқалды.
Естеріңізге сала кетейік, LS 34,2 мың қазақстандық қай елдерге көшіп кеткендігі туралы инфорграфика ұсынған болатын. Халықтың кетуі бойынша Қазақстан 2019 жылдың І жартыжылдығының қорытындысы бойынша Одақтың басқа елдерін басып озды.