Қазақстанда электр энергиясының шекті тарифтері көтерілді. LS редакциясы жарықтың қаншалықты қымбаттайтынын анықтап бiлді.
Табиғи монополияларды реттеу комитетінің (ТМРК) баспасөз қызметінің болжамы бойынша, елдегі тұтынушылар үшін тарифтер орташа есеппен 1 кВтсағ үшін 12,7%-ға өсуі мүмкін. Алайда, тариф құның қайта қарауға өтінімдер әлі де қабылданып қаралады. ТБРК-де тұрғындар үшін тарифтердің өсуін азайту бойынша шаралар қабылдануда деп сендірді.
Мемлекеттік мекемеде 37 энергия өндіруші ұйымның шекті тарифтерін энергетика министрлігі орта есеппен 15%-ға бекіткенін қосты. Оның ішінде мемлекеттік реттеу қолданылатын 27 кәсіпорында өсім орта есеппен 20%-ды құрайды.
Өз кезегінде энергетика министрлігі шекті құнның артуын түсіндіре отырып, 2020 жылы энергия активтерінің тозуы 53%-ды құрағанын хабарлады. Ал ажыраудың жиілеп кеткен жағдайлары Қазақстанның бүкіл энергия жүйесінің апат қаупіне алып келеді. Сондықтан жылу электр энергетикасына шекті тарифтер 15%-ға артты. Табыстың артуы электр желілерін жөндеп, тозуын азайтуға қаражат жұмсауға мүмкіндік береді деп күтілуде.
Өз кезегінде, сарапшы Жақып Хайрушев LS-ке берген сұхбатында тарифтердің көтерілуі Қазақстанда электр энергиясының тапшылығын болдырмауға қаншалықты ықпал ететіні туралы өз пікірін білдірген болатын.