Қазақстанда "ҚазМұнайГаз" (ҚМГ) акцияларының сауда-саттығы басталды. Бұл актив инвесторлар үшін қаншалықты қызықты екеніне Jusan Invest аналитикалық зерттеулер басқармасының бастығы Бауыржан Төлепов өз бағасын берді.
Оның ақпараты бойынша, "ҚазМұнайГаздың" IPO-на қатысуға ең көп өтінім дәстүрлі түрде Алматыдан – 31%, Астанадан – 19% түсті. Одан кейін Шығыс Қазақстан облысы – 7% және Қарағанды облысынан – 6%.
Алматы және Батыс Қазақстан облыстарының тұрғындарына 5%-дан келеді. Шымкент пен Түркістан облысына – 4%. Барлық басқа өңірлер жалпы үлесінде 3%-дан аспады. Ақтөбе, Атырау және Қызылорда облыстарынан өтінімдер саны аз болды – барлығы 1%.
Сонымен қатар, Бауыржан Төлепов жалпы жағдайды оптимисті түрде бағалап, елімізде 899 мың брокерлік шот ашылғанын еске салды.
"ҚМГ IPO-на қатысу олардың 14%-ы, яғни әрбір жетінші шот жақсы нәтиже болып табылады. Бұл ҚМГ жұмыс істейтін сала халықаралық тауар нарығындағы баға конъюнктурасына байланысты жоғары тәуекелді болып табылатынын назарға алсақ", - деді спикер.
Айтпақшы, IPO-ға 6 69%, ал әйелдердің 31% ғана қатысты.
Алғашқы сауда-саттықты тікелей бағалай отырып, Jusan Invest өкілі ұсынысқа сұраныс 60,1% құрағанын айтты. Сарапшының сөзінше, бұл бір қарағанда жеткіліксіз болып көрінуі мүмкін. Алайда абсолютті көлемдерге сүйене отырып, орналастыруды сәтті деп санауға болады.
"Егер нәтижелерді алдыңғы халықтық IPO-мен салыстыру тұрғысынан және бағалы қағаздар нарығын дамыту тұрғысынан қарайтын болсақ, онда нарыққа жаңа ойыншылардың келуінен пайда бар", - деп атап өтті Төлепов.
Бұл ретте ол ҚМГ IPO-сының бұрынғыдан айырмашылығы – бұл жолы орналастыруға бірыңғай жинақтаушы зейнетақы қоры (БЖЗҚ) да, шетелдік инвесторлар да қатыспады. "Самұрық-Қазына" компаниясының ақпаратына сәйкес, шетелдік жеке және заңды тұлғалар небәрі 6,6 млрд теңгеге өтінім берген.
Алайда Brent-тің қазіргі жағдайы белгілі бір сұрақтар туғызып отыр, оның құны барреліне $80-дан төмендеді.
"Қазіргі уақытта мұнай бағасы төмендеуде. Бірақ оның бағасы айтарлықтай өсуі мүмкін деген болжам бар. Сонымен қатар біз OPEC+ мүшелерінің әлемдегі геосаяси шиеленісті сақтауды және орталық банктердің монетарлық саясатын қатаңдату бойынша мұқият ұстанымын көреміз (АҚШ инфляциясы бойынша қазан айындағы есептен кейін). Сонымен қатар, қазіргі уақытта нарық Ресей билігі тарапынан баға шегін орнату бойынша жауап күтетініне назар аударып отырмыз", - деп түсіндірді талдаушы.
Бауыржан Төлепов ҚМГ акцияларының қайталама сауда-саттықтың бірінші күнінен бастап өсуге көп мүмкіндігі бар деп болжайды. Ол Jusan Invest-тің әлеуетті сату мерзімі 12-18 ай болатын іргелі бағасы бір акцияға 11 429 теңгені құрайтынын еске салды.
