Қазақстанда "Яндекс. Таксиге" қатысты тергеу басталды, деп хабарлайды LS.
"Сенім телефоны арқылы келіп түскен арыз-шағымдар аясында Агенттік "Яндекс.Такси" такси агрегаторына экономикалық қызметті үйлестіру, яғни оның әрекетін осы нарықта жұмыс істемейтін үшінші тұлғамен келісу белгілері бойынша тексеру тағайындады", - деді Бәсекелестікті қорғау және дамыту агенттігінің төрағасы Серік Жұманғарин.
Сондай-ақ, дизель отыны нарығында 12 тергеу жүргізілуде. Олардың ішінде төрт ірі автомобильге жанармай құю станциясы бар: "Гелиос", Sinooil, "Газпромнефть-Қазақстан" және PetroRetail.
Сонымен қатар, Жұманғариннің айтуынша, Қазақстанда қазір бәсекелестікке қарсы келісілген іс-әрекеттер мен үстем жағдайды теріс пайдалану белгілері бойынша сегіз тергеу жүргізілуде. Олардың алтауы – тауық жұмыртқасы, біреуі – қант, біреуі – тауық өндірушілерiне қатысты.
"Тұтыну тауарлары мен қызметтерінің бағасын көтеру фактілерін жедел анықтау және жолын кесу үшін хабарламалар қабылдау үшін жедел желі құрылды. Бүгінгі күні Агенттіктің сенім телефонына 2 мыңнан астам өтініш келіп түскен. Оның ішінде қоңыраулардың 50%-ы Алматы, 30%-ы Нұр-Сұлтан және 20%-ы басқа өңір тұрғындарынан келіп түсті. Сонымен қатар, әлеуметтік азық-түлік бағасының 70%-дан асып кету фактілері бойынша", - деді ведомство басшысы.
Көп жағдайда тауарлардың бағасын бөлшек сауда субъектілері, атап айтқанда, 15% сауда үстемесін сақтамайтын үй жанындағы дүкендер көтереді, деп қосты ол.
Монополияға қарсы мекеме барлық келіп түскен өтініштер бойынша өз құзыреті шеңберінде шаралар қабылдайды. Осылайша, бөлшек сауда дүкендеріндегі бағаны көтеру бойынша шағымдар әкімдіктерге, басқалары құзіреті бойынша уәкілетті органдарға беріледі, деп түсіндірді Жұманғарин.
"Осыған байланысты "Сауда қызметін реттеу туралы" ҚР Заңының 9-бабының 1-тармағына сәйкес әкімдіктер тарапынан саудаға бақылау-қадағалау функцияларын күшейту қажет", - деп есептейді ол.
Агенттік басшысы әлеуметтік маңызы бар азық-түлік нарықтарында бағаны ұстап тұру және 10%-ға дейін сауда үстемесін белгілеу бөлігінде өндірушілермен, көтерме жеткізушілермен және сауда желілерімен монополияға қарсы комплаенстің 189 актісі жасалғанын атап өтті. Осылайша, 5 қаңтардан бастап өңірлер бөлінісінде әлеуметтік өнімдердің барлық позициялары бойынша бағаларға мониторинг күнделікті жүргізіледі.
