Ұлттық банк қаржы институттарында Ресей валютасының артық мөлшерде барын растады, деп хабарлайды LS.
LS-тің сауалына жауап ретінде Ұлттық банкте рубльдің артық болуы бірқатар факторларға байланысты екенін түсіндірді.
"Қазіргі уақытта банктердің Ресей валютасындағы артық қолма-қол ақшаны уақытша жинақтауы байқалады. Бұл жеке және заңды тұлғалар тарапынан еркін валютаға және теңгеге айырбастауға рубль ұсынысының елеулі ұлғаюымен, сондай-ақ, қолма-қол шетел валютасын Қазақстаннан тыс жерлерге әкетуге тыйым салумен байланысты", - деп хабарлады Ұлттық банкте.
Естеріңізге сала кетейік, 2022 жылғы наурызда Қазақстаннан $10 мың эквиваленттен асатын сомадағы қолма-қол шетел валютасын әкетуге тыйым салынған болатын.