Қазақстандықтардың зейнетақы активтері 12,8 трлн теңгеден асты. LS редакциясы кәрілікке кім ең көп ақша жинағанын білді.
Ұлттық банктің деректері бойынша, 2021 жылғы 1 шілдедегі жағдай бойынша міндетті жарналар бойынша жеке зейнетақы шоттарының саны 10,9 млн жуық, ал жинақтар сомасы – 12,4 трлн теңгені құрады.
Егер жас санаттарын қарастыратын болсақ, онда салымшылардың шоттарында жинақталған:
- 31 жастан 40 жасқа дейін – шамамен 3,7 трлн теңге;
- 41 жастан 50 жасқа дейін – 3,67 трлн теңге;
- 51 жастан 60 жасқа дейін – 3,22 трлн теңге;
- 21 жастан 30 жасқа дейін – 1,1 трлн теңге;
- 61 жастан 70 жасқа дейін – 681,8 млрд теңге.
Ең аз ақша 20 жасқа дейінгі салымшылардың шоттарында – 14 млрд теңге, 71 жастан 80 жасқа дейін – 4,8 млрд теңге және 81 жасқа дейін – 799,6 млн теңге сақталды.
Өңірлер бөлінісінде зейнетақы қаражатының ең көп үлесі дәстүрлі түрде Алматыдағы (2,4 трлн теңге), Нұр-Сұлтандағы (1,2 трлн теңге) және Қарағанды облысындағы (1,1 трлн теңге) шоттарда шоғырланған.
Сондай-ақ, айтарлықтай соманы ШҚО тұрғындары – 937 млрд теңге, Шымкент – 934 млрд теңге, Атырау – 666,5 млрд теңге және Ақтөбе облыстары – 651,7 млрд теңге жинады.
Ең аз қаражат СҚО салымшыларында – 345,7 млрд теңге, Қызылорда облысында – 393,7 млрд теңге және Түркістан облысында – 36,3 млрд теңге болды.