Қазақстанда өнім бағасын төмендетуге мүмкіндік беретін базарлардың жаңа түрлерін енгізу жоспарлануда. Бұл туралы LS-ке сауда және интеграция министрлігінде хабарлады.
Министрліктің мәліметінше, Алматы мен Алматы облысында қарсы магнит базарларын құру жоспарлануда. Өңірлердің әкімдіктеріне олардың орналасатын жерін анықтау тапсырылды.
"Олардың негізгі функциялары – азық-түлік тауарларының бағасын төмендету, монополиялық қызметтің алдын алу, көлеңкелі айналымды төмендету. Сондай-ақ, салық түсімдері артады. Отандық өндірушілер сату нүктелеріне тікелей қол жеткізе алады", - деп нақтылады министрлікте.
Сауда министрлігінің ақпараты бойынша, Алматы облысындағы "Алтын Ордадан" көтерме ағындарды басқа екі әлеуетті сауда нүктесіне қайта бағыттуға болады. Бұл "Түрксіб" және "Мизам" базарлары. Министрлік олардың инфрақұрылымдық мүмкіндіктері шамамен 150 жүк көлігін қабылдауға мүмкіндік беретінін түсіндірді.
Сондай-ақ, Қазақстан өңірлерінде автодүкендер – мобильді сауда маршруттарын құру жоспарлануда.
"Олар бір жағынан қосымша жұмыс орындарын құруға мүмкіндік береді.
Екінші жағынан, бұл тұтынушылар үшін ыңғайлы, өйткені автодүкендер тұтынушылардың үйлеріне, соның ішінде шалғайдағы ауылдық жерлерге жақынырақ келе алады", - деп қорытындылады сауда министрлігінде.
Бұған дейін, LS редакциясы Алтын Орда базарының иесінен 47 млн теңге тәркіленіп жатқанын хабарлаған болатын.
