Қазақстанда төлқұжат үшін мемлекеттік баж мөлшерін екі есе азайту ұсынылды, деп хабарлайды LS.
Мәжілісмен Ғазиз Құлахметов заң жобасының бірінші оқылымында осындай бастама көтерді*. Ол төлқұжат үшін мемлекеттік баж салығын 8 АЕК-тен 4 АЕК-ке дейін (24 504 теңгеден 12 252 теңгеге дейін, 1 АЕК-ке 3 063 теңгеден) төмендетуді ұсынды.
Себебі, қазіргі уақытта шетелге шығу үшін әр балаға жеке төлқұжат жасау керек. Бұл отбасы үшін айтарлықтай шығын. Баж салығын төмендету қазақстандықтардың шығындарын азайтуға мүмкіндік береді, деп есептейді мәжілісмен.
Сондай-ақ, физиологиялық процесті ескере отырып, 12 жасқа дейінгі баланың төлқұжатын әр бес жыл сайын беру ұсынылады, ал 16 жасқа дейінгі балаларда құжаттың қолданылу мерзімі өзгеріссіз қалады – 10 жыл.
Сонымен қатар, Құлахметов иммигранттарға қатысты өзгерістер туралы хабарлады. Оның ішінде, оның айтуынша, көшіп келушіге берілген құжаттың қолданылу мерзімінің аяқталуына немесе азаматтығы жоқтығына байланысты еңбек шартын біржақты тоқтату мүмкіндігін қарастыру қажет.
Құжат бойынша пана іздеген адамдар және босқындар Қазақстан аумағында мекенжайы өзгерген жағдайда, жаңа тұрғылықты жеріне орналасқан күннен бастап бес жұмыс күні ішінде уәкілетті органда тіркеуден шығарылуы және қайта тіркелуі тиіс.
*"Қазақстан Республикасының кейбір заңнамалық актілеріне халықтың көші-қоны саласындағы заңнаманы жетілдіру мәселелері бойынша өзгерістер мен толықтырулар енгізу туралы"ҚР Заңының жобасы.