LS редакциясы Қазақстанмен бірлесіп Моңғолияда іске қосылатын екі жобаның іске асырылу қай сатыда екенін білді.
Индустрия және инфрақұрылымдық даму министрлігінде хабарлағандай, Қазақстан моңғол компаниясымен бiрлесiп алтын мен күмісті қайта өңдеу бойынша аффинаж зауытын салу туралы шартқа қол қойды.
"Қазіргі уақытта техникалық-экономикалық негіздеме әзірленді. Ол уәкілетті органдар комиссиясының мақұлдауын және кәсіпорынды одан әрі салуға Моңғолияның мемлекеттік сараптамасының рұқсатын алды", - деді LS-ке.
Министрлікте жобаның құны, сондай-ақ, құрылыс пен іске қосудың болжамды мерзімдері айтылмады.
Екінші жобаны іске асыруға келетін болсақ, келіссөздер талқылаудың ерте сатысында. Атап айтқанда, қазақстандық тарап ферросиликоалюминий инновациялық қорытпасын өндіру зауытын салудағы бірлескен ынтымақтастық мүмкіндіктерін талқылауда.
Бұрын хабарланғандай, бұл нысан қазақстандық технология бойынша жұмыс істейтін болады. Ферросиликоалюминий инновациялық қорытпасы өндірісін іске қосу $100 млн бағаланды. Жобаны 2020-2021 жылдары іске асыру жоспарланған болатын. Кәсіпорынның қуаттылығы жылына 60 мың тонна ферросиликоалюминийді құрайды. Дайын өнімді Қытайға, Жапонияға және Кореяға жеткізу жоспарда бар.
Анықтама
Ферросиликоалюминий – бұл Si және Al күшті дезоксидтері бар ферроқорытпа кешені. Ол негізінен болат өндірісінде қолданылады.