Қазақстан халқы қашан 20 млн-ға жетеді

Халықтың басым бөлігі еліміздің оңтүстігі мен республикалық маңызы бар қалаларда тұра бастайды

17 сентября 2021 года

Бес жылдан кейін ел халқы 20 млн адамға жетеді, деп хабарлайды LS.

Еңбек ресурстарын дамыту орталығының басқарушы директоры Александра Молчановскаяның айтуынша, халықтың орташа жылдық саны 2025 жылы 20 млн адам деңгейіне жетеді деп (19 029,5 – 2021 жылы) болжанады.

"Бұл ретте өңірлік диспропорция күшейеді, яғни 2030 жылға қарай халықтың 59%-ы оңтүстік өңірлерде және республикалық маңызы бар қалаларда тұратын болады", – деді ол.

Сонымен қатар, 2025 жылға қарай жұмыс күшінің саны 9,4 млн адамға дейін артады.

"Қандай мамандар сұранысқа ие болады деген сұраққа жауап беру үшін кейбір цифрларды келтірейін. Біз 2021 жылы 1 млн-нан астам бос жұмыс орны пайда болады деп болжап отырмыз. Біліктілігі жоқ жұмысшыларға да үлкен сұраныс сақталмақ. Олардың саны 300 мыңға жуық. Осы мамандықтар бойынша кадрлардың жоғары қажеттілігі байқалуымен қатар, жұмыс берушілер тарапынан де үнемі  сұраныс бар",  – деп түсіндірді ол.

Сондай-ақ, құрылыс және өнеркәсіп саласында 180 мыңға жуық бос жұмыс орны және жоғары білікті мамандар бойынша 175 мың бос жұмыс орны болады деп күтілуде.

Ең көп сұраныс Қостанай, Қарағанды облыстары мен Нұр-Сұлтан және Алматы қалаларында болмақ.

"Жалдамалы еңбекке арналған орта мерзімді болжамға келетін болсақ, бес жыл ішінде ол 1 млн адамды құрайды. Және көбінесе білім беру, ауыл шаруашылығы және өңдеу өнеркәсібі салаларында қалыптасатын болады", – деп нақтылады Молчановская.

Білім беру саласындағы мамандар, сондай-ақ, жылжымалы жабдықтың жүргізуші-операторлары сұранысқа ие болады, деп түйіндеді ол.

Бұған дейін хабарланғандай, қазақстандық жастар болашақта табыстарының бір бөлігін жоғалтып, жақсы жұмыс табу мүмкіндігіне ие болады.

Сондай-ақ, қазір Қазақстанда статистикалық және тіркелген жұмыссыздық арасындағы алшақтық шамамен 50%-ға жеткені белгілі.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.